harajaon namanontong

Thema: Harajaon Ni Tuhan Jesus Na hot do ro di salelengnilelengna

I. Patujolo.

Barita taringot tu si Daniel masa di tingki habuangan ni bangso Israel tu luat Babel. Si Daniel sada sian opat doli-doli nadiboan raja nebukadnesar naeng marhaladoi manang marhobasi di bagasan jabu ni raja i. Persyaratan ni doli-doli Isarael na boi marhaladoi di di istana ni raja i ima: Pinompar ni raja dohot sian halak na sangap. Doli-doli naso adong tihasna, angka nauli rupana, angka na pantas disandok hapistaran, angka parhapistaran godang, angka namarroha, jala angka na tau marhalado dibagasan jabu ni raja i, dungi diajarhon ma tu nasida surat dohot hata Kasdim. Dapot ma si Daniel, si Hanania, si Misael dohot si Azaria (Bnk 1:3-4+6).

Marjanji do si Daniel dibagasan rohana, naso jadi ramunanna dirina marhite sipanganon dohot siinumon (tontu dohot sude namasa dohot naadong) di jabu ni raja Babel i, jadi holan ingkau rata dohot aek do sipanganonna ganup ari (1:12), huhut tongtong mangulahon partnagiangan ni bangso jahudi di ganuo dapot tingkina. Jadi dibahen Jahowa ma tu si Daniel dapotan habasaon dhot asi niroha sian induk ni angka naposo ni Nebukadnesar.

Didingani Jahowa do nasida naopat  saleleng marhaladoi di bagas ni raja Nebukadnesar, dibasabasahon parbinotoan, hapistaran, hapantason. Jala dipamasa Debata angka halongangan tu nasida jala malua nasida sian angka pangunjunan na bolon, isarana:manjujur nipi ni raja Nebukadnesar nasoboi dijujur angka napistar dohot angka parsibalik mata ni halak Babel (Bnd 2:23-35), malua sian api pamurunan pinalua ni Jahowa (Bnk 3:8-33) Manjaha surat dinding naso tarjaha ni manang ise (Bnk 5;10-28), Malua sian godung parbabiatan (Bnk 6:19-24). Sude namasai pataridahon nadidongani Jahowa do si Daniel dohot angka donganna naposoi ala markomitment do nasida manjaga habadiaon ni ni ngolu nasida di luat si leban, nang pe ni baba ni sipanganon, di baba ni hepeng dohot margalimang angka boru-boru nasida maringanan. Gabe taingot do si Josep doli-doli na uli rupana jala na didongani Debata Jahowa ibana di luat Misir, nang pe di jabu ni si Potipar rade sude, alai dijaga ibana do habadiaon ni ngoluna. Komitment tu habadiaon ni ngolu do mamabaen asa dipatupa Jahowa  angka haholongani tu nasida. Di palua nasida sian hamagoan jala mambahen nasida gabe angka halak siihuthononhon dihadengganon.

Si Daniel do sian anak ni bangsona na martangiang tu Debata Jahowa laho mangongku dosa ni angka ompu dohot natoras nasida nasai mangalo tu Debata Jahowa asa gabe sahat nasida tu habuangan Babel. Di luat babel do ibana martangiang mangongku dosa i (Bnk 9:1-19).

Mamereng sian angka namasai , mansai tangkas do dihita taringot tu pandonganion ni Jahowa tu si Daniel asa dipatduhon ibana pangungkapon na gabe turpuk jamita sadarion.

II. Hatorangan

1.         Rupa Habangsa Harajaon ni Debata.

Di patuduhon pangungkapon tu si Daniel marhite nipi. Pangungkapon naparjolo ima marhite  naopat harajaon nabolon na digombarhon marhite naopat binatang na ruar sian laut godang. Nasada duman tu singa jala marhabong songon pidong rajawali, alai marroha songon jolma. Nasada songon gompul namanohali juhut godang-godang. Nasada dongo rupa ni babiat, maroat habong ni pidong di atas ni tanggurungna, jala maropat ulu do bonatang i i, huhut sahat tu ibana parenta dilehon. Binatang na parpudi ima binatang namansai jorbut, songkal jala na gogo sahali, marngingi bosi apala na bolon manohali dohot mangaropropi, jala na tebai siluntak-luntak dohot patna. Tandukna sampulu jala asing doi sian binatang natolu na dijolonangkin. Tubu ma muse sada tanduk na memetmet  di tonga-toanga ni angkata tanduki gabe mumpat ma tolu tanduk naasing alani i. Marmata do tanduk i songon mata ni jolma, jala marpanganan na sai manghatahon hata jungkat.

Taringot tu angka harajaon naung dohot nananeng bangkit di portibion do pangungkapon i. Bangkit angka harajaon i, laho mangarajai dohot mangaluntak portiubion, jala binatang na parpudi ima gombaran ni harajaon bolon na ro parpudi jala patundukhon angka na badia manang na porsea tu Debata Jahowa . Ala ni hagogoon ni  raja na jorbut na parpudi.

Dipataridohon do Debata Ama, iama ibana naso ra suda arina, na huldul di habangsana, paheanNa saksak songon itak, jala obuk diuluna songonhapas nabinusur. Ia habangsana songon jillamjillam ni api jala angka rodana songon api namarnalanala. Marribu-ribu angka namarsomba tu ibana jala marloksaloksa tindang di jolona marhaladoi.

Habangsa nbi Debata Jahowa do habangsai, jala napataridahon tu si Daniel marhite pangungkapon nipi. Ndang dipasombu Jahowa angka harajaon binatang i mangaluntak portibion lumeleng, alai dung tubu tanduk nametmet nasian holang-holang ni tanduk nasampului, jala nasai marhata jungkat nang tu Debata Ama, dipataridahon ma habangsa ni Debata Jahowa. Dungi ma tarbunu bintang i jala pidom pamatangna, jala dipasahat asa purunon tu api ( ay 11-12) ududt tu bintang partanduk nasampulu i dohot uhuman tu ibana boi ma tajaha gumanjang di pangungkapon 13 dohot 17.

2.         Anak ni Jolma sahat di habangsa ni Debata Jahowa.

Diida si Daniel ro sahalak marhite-hite ombun di langit i, songon anak ni Jolma, jala sahat ibana tu nasosuda arina, jala tarboan ibana tu jolona. Molo tajaha di Mrklus 16:19, tarhinsat tu banua ginjang Tuhan Jesus laho hundul di siamun ni Debata, dohot Lukas 24 :51 Tuhan Jesus tarhinsat tu banua ginjang, dohot Ulaon 1:9 tarhinsat ma Tuhan Jesus dipanotnoti nasida, dungi diholipi ombuni ma Ibana. Tontu udut ni naniida ni angka sisesan i marhite simalolong nasida tarhinsat tu banua ginjang Tuhan Jesus jala diholipi ombuni, ima naniida ni si Daniel di pangungkapon nipi na tu ibana.  Tuhan Jesus di jolo ni Debata Jahowa marhabangsa jala marharajaon. Dung sahat Ibana tu habangsa i dung manaek sian tanoon, diida si Daniel dibasa-basahon Pamarentaon dohot hamuliaon dahot harajaon, jala saluhut bangso, houm, dohot halak parpangkuling marragamragam marsomba tu Ibana. Ro disalelengnilelengna do pamarentaonna, nasomunsat sian Ibana, harajaonna pe naso tupa pesan.

Natahatindanghon taringot tu Jesus dung mulak mangolu sian na mate mandok :  Manaek tu Banua Ginjang laho hundul tu siamun ni Debata Jahowa, sian i ma Ibana ro manguhumi halak namangolu dohot namate, nungnga dipataridahon hian i tu si Daniel. Asa natahatindangkon i jala na tahaporseai i ima hasintongan jala namasa di Banua Ginjang. Ido nang tahatindangkon marhite Barita Nauli nadiari minggu i namandok: Tung tu bagasan Banua Ginjang sandiri do, laho patuduhon diriNa nuaeng di adopan ni Debata, humonghop hita (Heber 9:24). Laos ido didok Tuhan Jesus tu si Maria: Ndang dope nangkok Ahu tu Ama i (Joh. 20:17). Marpardomuan tu haporseaonta do nang nanihatindangkon ni panurirang Daniel, ai dipataridahon do tu ibana surgo salbulontai, habangsa ni Debata Jahowa dohot Tuhan Jesus Anak ni jolma i naung marharajaon rap dohot Debata Jahowa, andorang so tarida harajaon nai diportibion, ima dimata ni portibion, hehe do angka hagogoon nanaeng mangarajai portibion jala namamboan hasusaan dohot hamatean tu angka naporsea. Ido asa digombarhon tu bintang jala angka binatang buas nasonge maradophon jolma, jala angka naporsea do gabe sasaran dihabuasonna,  ai anggo naso porsea di Tuhan Jesus, ido angka sisean ni binatang i. Adong do tingkina naingkon marungkil manang marhasusaan bolon angka na porsea, alai didok Tuhan Jesus nungnga sahat tu Ahu nasa huaso na dibanua Ginjang dohot na di tanoon. Molo tung marungkil manang marhasusan bolon pe angka na porsea, laho papitahon haporseaon i doi, ninna apostel Petrus (1 Petrus 1:7). Dijagai Tuha Jesus do hita marhite Tondi Porbadia, asalma hot hiota dibagasan haporseaon.

III. Sipahusorhusoron.

1.         Parningotan di angka naung monding do gioarni Minggu tu ari mingguon, namarlapatan doi ima tingkinta marujiruji taringot tahangoluan dohot tu hamatean. Hata mementomory marlapatan ingot ari hamamatem. Udut ni i, hata namandok: dumenggan do ari hamamate sian hatutubu. Dungi muse pandohan : When I was born, I was crying but the people around me were lounghing. When I die, I laough but the people around me are crying. Tingki tubu au tangis au alai halak nahumaliang au mengkel marlas ni roha. Dung mate au mengkel au alai nahumaliang au tumatangis.

Parruji-rujion ni ngolu, angka naung monding dang sitangisan be alai baenon gabe gombaran dorongan tu iba asa mangolu, mangolu di Debata Jahowa. Dumenggan ari hamamate sian hatutubu, ala diari hamamate boi do iba mangarade  tu hangoluan salelengnilelengna i. Ido asa didok, ingot ari hamamatem. Tudia ho dung mate ho? (BE 528). Sude ingkon mamolus hamatean, jala mangodopi paruhuman pinatupa ni Tuhan Jesus. Sude do tahe, dohot do portibion dang adong na hot. Alai salelelng mangolu paradema asa dapotmu hangoluan salelelenglelengna. Keluarganta angka naung monding i pe lao tusi do. Taidama uli ni huta sitopoton niangka naporsea i dung salpu ngolu nasida sian portibion.

2.         Marhite pangungkapon si Daniel nang najotjot dihatindanghon Tuhan Jesus, jala dipataridahon muse tu si Johanes di pangungkapon i, habangsa harajaon ni Debata Jahowa salelenglelengna. Ido na hot jala nasoadong be namanggugai ngolu disi. Tusi do tjuan ni ngolu ni angka na porsea, ai didok Ap. Paulus: Di banua Ginjang do sambulaonta, siani do tapaima sipangolu hita, Tuhan Jesus Kristus (Pil 3:20). Molo didok sambulo, ima bana pasogit manang tanah air. Namangaranto manang maredagang do hita di portibion, jadi satongkin do hita dison (BE 330). Sambulonta i, ima huta Jerusaelm naimbaru i, inganan ni Debata Jahowa tusi do hita naing muli manang mulak (BE 353). Jala songon dia surgo i, ima na pinatuduhonna tu si Daniel 500 taon andorang so tubu dope Tuhan Jesus. Parade ma dirim tusi, jala holan dihahangoluanon do tingki paradehon tusi. Holan manjaga habadiaon ni ngolu do dalan paradehon i. Taida ma si Daniel dohot angka donganna na tolu i. Dang dipengaruhi lingkungan dohot keadaan nasida, jala tongtong boi manomba Debata Jahowa nang pe mansai dokdok oraora mangulahon i. Komitment paradehon ari pangapudian, ndang meammeam i.

3.         Porlu do tangkas jala torang ondolhononta komitment ni si daniel naposo doli-dolion, asa anggiat boi mangguit apala otik roha ni angka naposonta mangolu dibagasan haposoon namartanggungjawab jala namarhaporseaon. Ndang holan tu parhalado manang tu natua-tua Tuhan i ro, alai nang tu naposo pe, ai naposo do diparade membangun masa depan ni punguan angka ni angka naporsea. Taeahi ma sambulonta, diparade doi di ho jala dipaima do ho.