JANGKON MA BARITA NAULI I,

JAMITA MARKUS 1:9-15 HAPORSEAI JALA JANGKON MA BARITA NAULI I, ASA DIHO HANGOLUAN  NAMANONTONG I!

I.Patujolo.

            Jamita on mencakup piga-piga judul alai dohot caritana pa-asing-asing, Alai nang pe songoni na saling berkaitan luhutna.

Dipandidion ni Jesus i sandiri ima na pabotohon sada tanda/makna sian pengesahan paboa Jesus ima Debata na Badia.

Jala marhite pandidion i, mijur ma Tondi Parbadia tu Ibana songon sada darapati. Dungi tarbegema sada sora sian langit na mandok “Ho do Anak haholongan ni rohangku; lomo do rohangku di Ho!”.

Boasa dohot Jesus di Unjuni sibolis? Songon dia do ujung ni unjun-unjun i ?

Jesus manaluhon huaso hagolapan na sian Sibolis, nang pe dung 40 ari Ibana puasa, ndada mangan, minum dohot ndang modom secara lahiriah / pardagingon, tapi monang do Ibana manaluhon huaso ni hagolapan na sian Sibolis i.

Di namangadopi pangunjunan i, sikap ni Jesus godangan do pasif,  mangkohom molo di bandingkon hatiha dung di didihon Ibana, Jesus lebih aktif alai tetap do Ibana dipimpin di togu-togu Tondi Parbadia.

Painte so patupahon panghobasion/pelayanan Jesus di Galilea, disangkap rohaNa do naing mangalo nang pe mangalo nasa huaso ni sibolis i, musu ingkon di taluhon jala ingkon monang do hatiuron i, asa sude jolma na porsea tu Ibana olo mangihutkon dohot mangoloi Ibana, jala dapotan hangoluan namanontong.

II. Tafsiran

Ayat 9 – 11 di Didi si Johannes ma Jesus.

Jadi ro ma hatiha i Jesus sian Nazareth na di luat Galilea, dung i di Didi si Johannes ma Ibana di Batang Aek Jordan, ima na mangoloi hagiot /parenta ni Debata. Dung di Pandidihon Jesus, haruar ma Ibana sian Batang Aek i, di ida Ibana ma mungkap langit. Sada peristiwa na bolon tarjadi hatiha i, dung i tuat ma Tondi Parbadia tu nasida songon sada darapati. Dung i tarbege ma sora sian langit mandok “Ho do Anak haholongan ni rohangku; lomo do rohangku di Ho”.

Sian on boi idaonta, Huaso ni  Debata lam patar tutu, dung dijalo pandidion nisi Johannes. Hehe Ibana sian aek i namarlapatan i na pabotohon namarsing do Ibana dohot angka natorop i jala pabotohon nasinuru ni Debata do Jesus. Di pandidion i masa do tanda halongangan:, mungkap langit; on sada tanda na ‘pangungkapon taringot tu surgo’ (Joh 3:12-13). Dungkon ni ‘Songgop Tondi ni Debata songon darapati’. Darapati ima wujud nyata sekaligus kiasan puitis naboi manggobarhon halambohon. Soara namandok: “Ho do Anak haholongan ni rohangku; lomo do rohangku di Ho” namarlapatan mai pernyataan namansai hot taringot tu hasitolusadaon na digoari Trinitatis/Tritunggal (Debata sitolu Sada). Debata na ro tu portibion dalam penyataan anak. Relasi ni Debata na dibagasan hajolmaon dibagasan Kristus Jesus dipapatar. Saluhutna ondeng manggobarhon peranan ni Debata di pandidion ni Jesus. Marhite padnidion ni Jesus tangkasi idaon haunduhonna tu Debata, sian I lam patarma tutu misteri pribadi ni Kristus manang jabatanna songon hatoban, Mesias ihut anak ni Debata.

Ayat 12-13  Di Uji Sibolis Jesus

Dung i torus ma diboan Tondi i Jesus hehe tu halongonan, Opat pulu ari di nadihalongonan tarsongon pelayanan, godangan mangkohom do Jesus. Songoni ma ndang mangan, ndang minum, ndang modom (pasif) sajo. Hal na songoni pe ndada adong sahalak jolma pe na boi patupahon i. Molo tapihut-ihut turpuhon, pangunjunan mansai tangkas diadopan ni Jesus.

Ai rap do Ibana dohot angka binatang jala pajumpng dohot si bolis. Disusahahon si bolis ido naeng pabalihon Jesus sian Debata; menggser pangoloionna natu Debata naeng gabe tu si bolis. Tindakan ni si bolis dialo marhite ulaon ni surusuruan na manghobasi Ibana. Ligat do si bolis marnida jala mamangke kesempatan. Sada moment na denggan laho mangunjuni Tuhan Jesus, hatiha Jesus male, mauas, pamatang na gale alana muse ndang tarpoodom sampitpit pe. Berusaha do torus sibolis i asa monang laho mangunjuni Tuhan Jesus, pola tolu hali, alai monang do Jesus manaluhon sude pangunjunan ni sibolis i. Masa pe angka pangunjunan on hamulian ni Mesias I manang maradophon hagogoon ni portibi dohot hagiotna.

Ayat 14-15 marjamita Jesus di Galilea (Panghobasion)

Dung tarhurung si Johannes, hehe ma Jesus tu Galilea mardalan ma Jesus manopi-nopi tao Galilea di topi ni pantai/tao Kapernaum, Ima daerah Zebulon dohot Naftali (Jes 8 : 23). Taringot tu haroro ni Sipalua i dohot panghobasion Na di portibion naung adong hian do disusirangkon (dipabotohon) Panurirang Jesaya, paboa na sude bangso na adong di luat ni portibion na ingkon marnida si nondang ni Jesus Kristus i. Jala Jesus mamulai panghobasionNa di huta Galilea.Parbaritaon ni ni Jesus ima nionjar ni huaso manang pribadi na sandiri. Parbaritaonna dimulai sian harajaon ni Debata naung leleng dipaimaima. Parade diri dihasosonggop ni Harajaon ni  Debata, dituntut ma ingkon paubahon roha dohot porsea. Muba dohot porsea dituntut do sian jolma. Harajaon ni  Debata ima harajaon namenyentus sahat tu roha ni jolma. Jadi haroro ni Jesus tu portibion marpardomuan do tu harajaon ni Debata. Ibana do Debata, di tanganna do nang harajaon. Harorona sasintongna papatarhon naung songgop do harajaon ni Debata di portibion.

Dibagasan pandidion i patar do hasintongan ni huaso ni Jahowa, jala marhite pangunjunan monang ma huaso ni hasintongan ni Debata. Hamuliaon ni hasintongan ni Kristus i, on ma gabe modal dasar dihita laho marbarita nauli. Kristus ido sibaritahononton dohot hata naasing parbaritaon nauli marpusat tu Kristus do. Ngolu ni halak na porsea ima ngolu namardalan manuju harajaon ni Debata. Hinasintong ni Harajaon ni Debata nyata di ngolu ni Kristus Jesus. Jesus do Barita na Uli i. Barita Nauli i do namambahen angka na porsea mangolu dibagasan pangkirimon. Paubahon roha sian na so mian dibagasan Kristus gabe dibagasan Kristus on do ngolunta. Molo dung dibagasan Kristus hita ingkon do gabe pararatonta HataNa asa dohot angka naasing mian di bagasan Ibana ido parbaritaon nauli i.

III. Aplikasi (penutup)

Jesus manjalo pandidion i sian si Johannes Pandidi ndada ala na mardosa Ibana, Jesus memang ro (sorang) di portibion na gabe jolma alai Jesus ima Debata na Badia na so mardosa. Alana manang  isepe na dipandidihon di Aek Jordan i, ingkon jolo mangoku sude dosa-dosa na, asing do sian hajolmaon i,  Jesus ndada mangokuhon dosa, ala Jesus ndada pardosa, saotik pe ndang adong dosa di ulahon Tuhanta Jesus na badia i.

Hita jolma, ingkon rade do hita mangido hasesaan ni angka dosanta tu adopan ni Tuhanta , asa disesa sude dosanta jala unang be tadatdati mardosa. Tatinggalhon ma sude pangalaho na so di halomohon Debata, tongtong ma hita mangolu di bagasan Tuhan i jala Tuhan i mangolu di bagasan hita marhite parange, manang pambaenan, asa las roha ni Tuhanta i di hita.

Tuhan Jesus i sandiri anakni Debata diunjuni sibolis i do, lam ma hita jolma on. Jotjot do gale pamatangta, male, mauas....apalagi ma mura gale haposeaonta. Siala ni ima asa tongtong hita mangolu holan mangasahon Debata na mangolu i jala parholong roha i,asa unang  monang sibolis i alai ingkon talu do sibolis i na laho mangunjuni hita. Dilehon Tuhan ta do partahanan na gabe sinjata na ampuh di hita, ima Hatana na badia i

Ia dung tajalo haluaon dibagasan HataNa Badia, dohot naung manjalo ihut manjangkon hasintongan pinatupa ni Kristus Tuhan. Jala ia dung tarajumi pasu-pasuna na manontong mangaramoti jala parngoluonta. Naeng ma songon si paulus hita, ndada dipompomi, manang dihala-hala Barita nauli naung jinalona. Alai gabe songon utang doi diibana naingkon si gararonna marhite pararathon Hata ni Tuhan i.

Ingkon dungo jala manat do hita di rumang ni pardalanan ni ngolunta on, siala malo. jala militan do sibolis i laho mangagohon rohanta Tuhanta i. Nungnga ditaluhon Jesus  sibolis i, ndang adong tingki saotik pe di lehon Tuhanta Jesus tu sibolis i, Hita pe songon mampu do mangalo hagiot ni sibolis i asalma tongtonghita mangolu di bagasan Tuhanta i. Hamonangan ni Jesus ndang tarsirang sian haunduhonNa tu AmaNa I dohot marhite-hite panogu-nogu on ni Tondi Parbadia i. Jadi songon naung tinobusNa, jala dipamodang hita taingot ma ulaonta do papatarhon harajaon ni Debata sahat tu saluhut portibion.