Jamita : Mateus 2:1-12
Pasahatma peleanmu tu Jahowa Debatam!
I. PATUJOLO :
.
Baru dope tapestahon Natal dohot Taon Baru. Suasana las ni roha laho mamestahon Hasosorang ni Jesus, huhut napatolhas hita tu taon 2011 mambaen gok roha laho pasahatkon roha mauliate tu Debata. Suara ni suru-suruan na mandok : "Hasangapan ma di Debata na di ginjang, dame ma di tano on di angka jolma halomoan i!" naing marsaringar dope sahat tu tingkion. Somba-somba ni parmahan tu Jesus na sorang di bara ni pinahan i, naing torang dope diparningotanta. Jala dung dilaon-laon ni ari, ro ma piga-piga halak angka parilmu bintang sian Habincaran laho manomba Jesus, Marsipandohan ma nasida, "Di dia do Dakdanak na sorang i, i ma na gabe Raja ni halak Jahudi i? Na diida hami do bintangNa bincar di sabola Habincaran, jadi na nanaeng marsomba tu Ibana do umbaen na ro hami."
Naing marsomba tu Jesus do haroro ni halak Habincaran on (Halak Majus-ahli filsafat, angka malim, ahli bintang, terpelajar malo taringot tu astromi, agama dohot meramu angka ubat, William Barclay mandok : “Para Majus adalah orang-orang yang mengetahui filsafat, ilmu kedokteran dan ilmu alam. Mereka juga mampu menafsirkan mimpi serta meramalkan hal-hal yang akan terjadi….orang Majus adalah orang yang baik dan suci, yang selalu berusaha mencari kebenaran”. Antong halak na terhormat/terpelajar, halak na mora, halak na malo jana angka anak ni raja do halahon).
Marhite i, pangalaho na mamboan tu hamonangan do na ni baen ni halak parhapistaran on, nang pe halak na mora, na sangap, na malo halahi, marsitutu do halahi ro sian Habincaran, huta na dao, pola ribuan kilometer, mar-ari-ari mardalan di parhorsihan, khusus laho manomba Jesus.
Marsomba na marlapatan do i : Mangundukkon pamatang, menghormat ja mameakhon pamatang tu lante. Boi do muse diartihon mangumma tangan, marsinggang huhut mangalehon pelean.
Alai molo nidok marsomba nada gabe padao jarak ni si panomba dohot na ni somba, sabalikna do, jonok manomba Debata, jonok hita tu Debata. Songon pandohan ni nabisuk : ”Ia mardongan iba dohot halak na marroha, gabe marbisuk iba”..., jadi molo mardongan, bergaul erat dohot Tuhan, tu ulina do parrohaonta jana lam dapotan pasu-pasu do hita. Sada Ama ni Gareja ima St. Gregorius Nazianze (wafat 389) menyampaikan khotbahnya, “Marilah kita tinggal dalam sembah sujud; dan kepada Dia, yang guna menyelamatkan kita, merendahkan Diri hingga ke tingkat kemiskinan yang begitu rupa dengan menerima tubuh kita, marilah kita mempersembahkan tidak hanya kemenyan, emas dan mur…, melainkan juga persembahan-persembahan rohani, yang lebih luhur daripada yang dapat dilihat dengan mata”.
Antong di Ephipahia 2 on, tolema marlas ni roha laho Manomba Jesus na gabe Raja dohot Sipalua ni hajolmaon.
Songon dia do hita manomba Jesus Tuhan i dibagasan lasni roha :
1. Ingkon adong do pengorbanan, rade mambayar Harga, 2. Ingkon adong do pangokuon huhut patutoru diri, 3. Ingkon rade do mangalehen na dumenggan.
II. II. HATORANGAN NI TURPUK
- Ingkon adong do Pengorbanan, rade mambayar harga.
Di Mateus 2 : 1 .... Jadi ro ma di hatiha i piga-piga halak angka parilmu bintang sian Habincaran tu Jerusalem.
Dipatorang dison, naeng manomba Raja na baru sorang i, adong do pengorbanan na godang. Halak Parhapistaran i, ndada pengangguran, na so adong karejona. Nga di patorang nangkin, paboa halak na mora, na beteng do halahi, hape ingkon tinggalkonon ni halahi ma keluargana, dungi angka na tabo, na sonang dna, jana dalananna ma ribuan kilometer, tano parhorsihan na gok parmaraan, isarana panyamun, angka binatang, cuaca na mangilas nang na ngali dohot angka na asing. Di 5 Musa 8:15 didok : ” Ibana manogunogu ho di halongonan na bolon jala na jorbut, inganan ni ulok tulung api dohot naga dohot hala, tano hasang huhut na so marisi aek; Ibana tahe paruarhon di ho aek sian dolok batu na pir sahali”.
Somal do tahe dibaen angka Parhapistaran i songon i ? On ma na ni dok : “PENGORBANAN”, adong LUNGUN NI ROHA (kerinduan, rasa lapar), laho pasuo dohot Jesus, Raja, Sipalua ni hajolmaon jala Tuhan ni sude, gabe olo halahi mandalani na maol situtu. Diboto nasida do, on ma masana laho marnida Jesus, asa jumping jala sombaonna Ibana. Diboto nasida do adong do muse tingkina ndang boi muse jumping be Jesus di portibion/di Jerusalem/Betlehem. Di Amos 8:11-12 “Ida ma, ro do angka ari sogot, ninna Tuhan Jahowa, tongosonku ma haraparon tu tano on, ndada haraparon di sagusagu manang hauason di aek ingkon di angka hata ni Jahowa do, naeng begeonna nian. Jadi madoado ma nasida sian laut na sada tu laut nasada nari, jala sian utara tu habinsaran diliati nasida mangalului hata ni Jahowa nian, hape * laos so jumpang nasida do.
Di Jesaya 55:6 didok : “Sai lulu i hamu ma Jahowa, binsan tarbahen dope jumpang ibana; jou hamu ma ibana, binsan jonok dope ibana”. Paingothon hita martingki do hita laho mangalului Tuhan, adong do hape hatihana, male, uasan jala loja hita mangalului hata ni Tuhan ndada dapot hita be. Tingkion do hape, tingki parasian ni Debata, asa tapabangkit roha na mauas, male dohot roha na burju mangalului hasintongan i, asa tasomba Yesus i.
Marhite halak Parhabincaran on, diajari do hita tutu, molo naeng tasomba Jesus i, ingkon adong do pengorbanan, angkon rade do hita mambayar harga. Ingkon adong do hauason ni tondi, hauason ni roha. Nga sadia godang, sadia bahat ta-pelehon-/hita korbankan laho manjalahi Jesus i??? Ia halak par Hapistaran i ditogu-togu bintang laho pajumpang dohot Jesus, tingkion pe ditogu-togu hataNa do hita asa pajumpang dohot Jesus Sipalua i.
Ia tapatudos tu halak parise, siboto surat, angka malim i do hita, nga tangkas taboto ise Jesus, alai ndang ra hita mangalehon tingkinta, gogonta laho manomba Jesus Raja ni Punguan i. Tung unang songon si Herodes do hita, dung taboto tangkas ise do Jesus i, gabe talului cara laho padaohon diri sian Ibana, bahkan mangalalui cara laho mangela-ela angka dongan asa unang dohot pasuo dohot marsomba tu Jesus i.
Adong adong do Pangakuon huhut patutoru diri.
Mateus 2 : 2 angka ninna ma: Didia do Raja na imbaru tubu i? Naung huida hami do bintangna di tano habinsaran; ala ni i ro do hami sumomba Ibana."
Nada dibaritahon bibelta bahaso tingki pajumpang halahi dohot raja Herodes, manigor marsomba halahi tu Raja i. Alai disi halahi pajumpang dohot Jesus didok ......marsomba ma halahi...bahasa Indonesia :.. ”lalu sujud menyembah Dia”.. (ayat 11). Raja, anak ni Raja, na mora, na sangap do halahi. Tapi disi pajumpang dohot Jesus (tingki i, dakdanak dope Jesus, nada marhamuliaon, ndada namora, ndada sangap), alai manigor marsomba unduk do nasida diadopanNa. Marhite i adong pangakuon nasian toruk ni roha paboa, sumangap, unpistar jala lumobi sian halahi do Jesus i. Di Jesaya 9 : 6-7 didok : ” Bahen hagaganda ni harajaon dohot * hadameon na so marujung di * habangsa ni si Daud dohot di harajaonna i, pahothon dohot patoguhon marhitehite patik dohot hatigoran, olat nion ro di salelenglelengna. Hamuruhon ni Jahowa Zebaot patupahon songon i. Nunga ditongos Tuhan i sada hata tu si Jakkob, jala nunga songgop tu Israel. Mur tu godangna do kuasonia, jana tongtong dame harajaannia. Ia ma raja na songon panggonti ni si Daud, marojakan tu hatigoran dohot hasintongan do harajaannia sian mulai saonnari lalu tu salolotna. Angkon tulus sudena i baenon ni TUHAN Na Markuaso i.
Antong sian toruk ni roha ma hita mangoku paboa na tutu do Raja Jesus i, sumangangap, marhuaso, asa marunduk ni roha hita marsomba unduk di joloNa ganup ari.
- Burju mangalehen na dumenggan.
Di Mateus 2 : 11 : “Laos dibongoti ma bagas i, gabe diida ma Dakdanak i dohot si Maria, inana i. Dung i manungkap ma nasida marsomba tu Dakdanak i, dirungkari ma artanasida: Sere, haminjon dohot angka na angur, parsombanasida tu Ibana”
Manomba Tuhan, nada holan mangundukkon pamatang, mangalompit tangan dohot marsora na gogo : Haleluya…, tapi dohot do mangalehen na dumenggan sian ias dohot burju ni roha. Par-Habincaran, di na ro halahi manomba Jesus, manigor dibuat halahi do siluana i ma : sere, Haminjon dohot miak na angur. Wlliam Barclay dohot bahat penafsir mandok : Mas, tanda somba-somba tu sahalak Raja, Haminjon somba-somba tu sahalak Malim, janl Miak na angur somba-somba tu halak na mate (adong mandok tu Panurirang).
Alai na jelas, Par-Habincaran na pistar, na sangap jana halak na so halak Jahudi/Kristen dope tingki i nungnga pasahat peleanl, somba-somba tu Jesus dibagasan serep ni roha dohot sian naso tarpaksa. Nga diboto halahi aha na nidok ni Tuhan taringot tu pelean di II Kor. 9:7 ” Ganup ma nionjar ni rohana, unang ma sian muruk manang sian na so tarjua; ai dihaholongi Debata do na las roha mangalehon” Songon i di Poda 3:9-10 “Pasangap ma Jahowa marhite sian hamoraonmu dohot marhite sian patumonaan ni sandok pangomoanmu.Jadi marsipinjot ma angka sopom, jala sirnip tuak anggur angka pangilanganm. Dohot di Amsal 21:27 Hagigian hian do pelean ni halak parjahat, muba do sogirna molo marsangkap tu hajahaton umbahen dipelehon
Pasahat pelean sian serep ni roha, ndada ala ni balgana sasintongna, alai sian bulus ni roha – Hati yang tulus, laho manomba Jesus naung godang mangalehen na denggan di hita. Halak na so mangangku naso burju Debata di ngoluna, maol do laho mangalehen pelean, baliksa, halak na manghilala denggan basa, asi ni roha ni Debata na marbullak-bullak ganup ari, minggu, bulan, taon, pasti sian ias ni roha, ni onjar unduk dohot serep ni roha, bulus jala burju do mangalehon pelean na dumenggan tu Harajaan ni Debata.
III. III. PANIMPULI:
Di Minggu hapapatar ni huaso ni Debata tu hita jolma, naung mangaramoti hita ganup taon, tolhas tu taon 2011 on, taon asi ni roha naung 150 taon hape hakaristenon di luat Tapanuli, mangonjar hita do i laho marunduk ni roha laho mamuji Tuhan di namarminggu, martangiang, marsaor dohot Debata. Nang pe adong “arga”, pengorbanan ni tingki, arta, ngolunta, hobby dohot angka na asing, alai ia dungr tapajonokk diri, jala inkon ongkuonta do na Debata do mangalehen aha na porlu di hita. Jala ndada alang manang gait be hita mamboan pelean na dumenggan sian parbue ni angka ulaonta tu harajaan ni Debata.
Amen.
Tidak ada komentar:
Posting Komentar